އެމެރިކާ މީހެއްގެ ހުވަފެނެއް

އެމެރިކާގެ ވިޔަފާރިވެރިއަކު ރާއްޖޭގައި ޗުއްޓީ ހޭދަކޮށްލުމަށްޓަކައި ރާއްޖޭގެ ރިސޯޓަކަށް އައެވެ. މިގޮތަށް އައިސް އުޅުނު ދަތުރެއްގައި ރާއްޖޭގެ ރަށްފުށު ދިރިއުޅުން ހުންނަގޮތް ބަލައި ލުމުގެ ސައުޤުވެރިކަން އުފެދި އެފަދަ ރަށަކަށް ޒިޔާރަތް ކުރިއެވެ.

ރަށުގެ އަމާން މާހައުލުގައި، ސާފު ވައިގެ ތެރޭގައި، ހުދު ބޯކިރު ފުދެއްކަހަލަ ދޮންވެލި ތުނޑިމަތީގައި ހިނގަމުންދަނިކޮށް ގޮނޑުދޮށަށް އެހެލާފައިހުރި ބޮށްކުރައެއްފެނިއްޖެއެވެ. ބޮށްކުރާ ބަނދެފަ ހުރިގޮތާ އަދި ބޮށްކުރާގައި ހުރި ސާމާނާމެދު ވިސްނާ ފިކުރުކުރަން ހުއްޓާ އެރަށުގެ ދެބައި އުމުރުގެ މީހަކު ހަރުގަންނަވާފައި ބޮށްކުރައާ ދިމައަށް އެބަ އާދެއެވެ. މިމީހަކު އައިސް ބޮށްކުރާ ތެރޭގައި ހުރިމަސްތައް ނަގައި ދެއަތަށް އަމުނައިލައިގެން ހަމަ އައި ބާރުމިނުގައި އެހަރަ އެއްަގަމަށްދާން ހިނގައި ގަތީއެވެ. އެވަގުތު އެމެރިކާ މީހާއަށް މިމަންޒަރު ފެނިފައި އތުގެ އިސާރާތުން އޭނާއަށް މަޑުކޮށްލަން އެދުނެވެ.  އަދި އޭނާ ހުރި ހިސާބަށް އާދެވުމުން ހިތުގައި އުފެދފައިވާ ސުވާލްތަކުގެ ޖަވާބު ހޯދުމަށްޓަކައި އޭނާ ގާތުން އަހާ އޮޅުންފިލުވަން ފެށިއެވެ.

އެމެރިކާ މީހާ: މަސްވެރިޔާގެ އަތުގައި ހުރި މަސްތަކަށް އޭނާގެ އަތުން އިސާރާތް ކޮށްލުމަށްފަހު. " ކިހާ ވަގުތެއް މަސް ބޭނުމަށް ހޭދަކޮށްފިން"

މަސްވެރިޔާ: ކުޑަކޮށް އާގަންނަ ގޮތަކަށް އެހާ ފަރިތަމެއްނެތް އިގިރޭސިބަހުން ވާހަކަ ދައްކަމުން ދިޔައެވެ. " އޮންލީ ލިޓްލް ޓައިމް"

އެމެރިކާ މީހާ: " ކީއްވެތަ ތަނަކޮޅެއް ގިނަވަގުތު މަޑުކޮށްލައިގެން ގިނައިން މަސްބާނަން ބޭނުންނުވީ"

މަސްވެރިޔާ: އަތުގައި ހުރި މަސްތައްނަގައި ބޮށްކުރާގެ މަޅުމަތީގައި ބާއްވާލުމަށްފަހު ތަންކޮޅެއް ހަމަޖެހިލައިގެންހުރެ ވާހަކަދައްކަން ފެށިއެވެ. " އައި ނީޑް ޓައިމް ޓް ސަޕޯޓް މައި ފެމެލީ އިމީޑިއޭޓް ނީޑްސް"

އެމެރިކާ މީހާ:  " އެކަމަކު ބާކީ އޮންނަ ހުސްވަގުތުގައި ދެންކުރަނީ ކޮށްކަމެއް"

މަސަވެރިޔާ: " އައި ސުލީޕް ލޭޓް، ފިސް ލިޓްލް، ޕުލޭ ޗިލްޑްރަން، ހެލްޕިން ޓް ވައިފް، އެވްރި އިވްނިން ގޮއިންޓް ހޮޅުއަށި، ލިސަނިން މިއުޒިކް އެންޑް ނިއުސް، އެވްރި އިވްނިން ވޯކިން އިން ދި އައިލްނޑް، އައި ހޭވް ފުލް ބިޒީ ލައިފް.

އެމެރިކާ މީހާ:  އަހަރެންނަކީ ކޭންބްރިގް ޔުނިވަރ ސިޓީން އެމް.ބީ.އޭ ހާސިލް ކޮށްފަ ހުރި މީހެއް އަހަރެންނަށް ކަލެއަށް އެހީތެރިކަން ފޯރުކޮށްދެވިދާނެ. ކަލޭ ޖެހޭނީ ގިނަވަގުތު މަސްވެރިކަމުގައި ހޭދަކުރަން އަދި ގަނަމަސް ބާނައިގެން ތިއަށްވުރެ ބޮޑު ބޯޓެއް ހޯދިދާނެ. އަދި ބޮޑު ބޯޓެއް ހޯދައިގެން އެއަށްވުރެ ގިނަ މަސްބާނައިގެން ބައިވަރު ބޯޓްތަކެއް ހޯދި ދާނެ. އެގޮތުން ކަލެއަށް ވަރަށްގިނަ ބޯޓްތަކެއް ހޯދިދާނެ، އެއިރުން ތިގޮތަށް މެދުވެރިޔަކު ބޭނުންކޮށްގެން މަސްވިއްކުމުގެ ބަދަލުގައި އޭގެ ފުރިހަމަ އަގުގައި ސީދާ އޭގެ ބޭނުން ޖެހިފައިވާ މީހުންނަށް މަސްވިއްކުމުގެ ފުރުސަތު ކަލެއަށް ލިބިގެންދާނެ. އެހިސާބުން ކަލޭގެ ވިޔަފާރި އިތުރަށް ފުޅާކޮށް ދަޅުގަ މަސްބަންދުކުރާ ކާރުހާނާއެއް ކަލެއަށް އުފެއްދިދާނެ. އޭރުން މަސްދަޅު އުފެއްދުމާއި އެ ވިޔަފާރިވެރިންނަށް ފޯރުކޮށްދިނުން ސީދާ ކަލޭގެ ބެލުމުގެ ދަށުން ކުރިއަށްގެންދެވޭނެ. އޭރުން މިކުޑަ ރަށް ދޫކޮށް ކަލޭގެ ވިޔަފާރި ކުންފުނި ހިންގާ މައިރަށެއްގެ ގޮތުގައި މާލެ ނަވަތަ ތަރައްޤީވެފައިވާ އަވައްޓެރި ޤައުމެއްވެސް ހެދިދާނެ.

މަސްވެރިޔާ: ވަރަށްބޮޑަށް އެދެއްކި ވާހަކައިގެ މައްޗަށް ވިސްނާވެ ސައުޤުވެރި ވެފައި ހުރެގެން. " ބަޓް ހައު ލޯންގް ދިސް އޯލް ވިލް ޓޭކް "

އެމެރިކާ މީހާ: " 15 އަހަރާ 20 އަހަރާ ދެމެދުގެ މުއްދަތެއް"

މަސްވެރިޔާ: " ބަޓް ވަޓް ދެން "

އެމެރިކާ މީހާ:  ހިނިގަނޑެއް ޖަހާލުމަށްފަހު ވާހަކަދައްކަން ފެށިއެވެ. " ދެން އޮތީ މީގެ އެއްމެ މުހިންމު އަދި އެއްމެ ބަރާބަރު ބައި. އެންމެ ބަރާބަރު ވަގުތު ބެލުމަށްފަހު ދެން ކަލޭގެ ވިޔަފާރީގެ ހިއްސާ އާންމުންނަށް ވިއްކުމަށް އިއުލާންކޮށް އެކަމަށް ހުށަހެޅިދާނެ. އެގޮތަށް ވިޔަފާރީގެ ހިއްސާ ވިއްކައިގެން ކަލެއަށް ވަރަށް ބޮޑު މުއްސަންޖަކަށް ވެވިދާނެ. އެގޮތުން އެތައް މިލިޔަނެއްގެ ރުފިޔާ ކަލެއަށް އުފެއްދިދާނެ.

މަސްވެރިޔާ: " މިލިޔަންސް ރުފިޔާ؟ ދެން ވަޓް؟"

އެމެރިކާ މީހާ: މަސްވެރިޔާގެ ކަންފަތްދޮށާ ކައިރި ވެލުމަށްފަހު ވަރަށް މަޑު މަޑުން ބުނެލިއެވެ. "  ދެން ކަލެއަށް މި ކުޑަކުޑަ ރަށަށް  އެބުރި އައިސް މިތާގަ ލަހުން ނިދާފައި، މަޖަލަށް ކުޑަ ކުޑަކޮށް މަސްބާނާލަން ގޮސްލާފައި އައިސް ދަރިންނާ ކާފަދަރިންނާއެކު ހީ ސަމަސާކޮށް ކުޅެހަދާ ލެވޭނެއެ. އަދި އަންހެނުންނަށް އެހީތެރިވެދީ ހަވީރަށް ހޮޅުއަށްޓަށް ގޮސް އަގަމަޖާކޮށް ސަކަރާތް ޖަހާލާ ހަބަރުތައް ބަލައިލާ ހަމަޖެހިލައިގެން ހަވީރަށް ރަށުގައި ހިނގާލައި ހަދާލެވޭނެއެވެ. އަހަރެންނަށްވެސް މިހިއްގައިމު މާހައުލުގައި މިހާ ހަމަޖެހިލައިގެން މި ސާފު ދޮންވެލި ތުނޑިމަތީގައި މިހިނގާލެވެނީ އެހެންވެގެންނެ" މިހެން ބުނުމަށްފަހު އެމެރިކާ މީހާ ހިނގަން ފަށައިފިފިއެވެ. ( ނިމުނީ )